اولا السلام عليكم ورحمه الله وبركاته
قبل ما ابدا كلامى احب اعرفكم ان القصه دى حقيقيه بجد وحصلت فعلا والبنت بجد انا سمعتها وهيه بتحكى قصتها فى برنامج اسامه منير وحبيت احكيلكم انا كمان قصتها عشان اللى ميعرفهاش بجد مش قادره اوصفلكم مدى تأثير القصه دى فيا بس بجد اللى يقراها ياريت يقرا الفاتحه لحنين ويدعيلها
.....................
انسانه كانت اسمها (حنين) اتبرعت لخطيبها بكليتها لما تعب لكن للاسف مقدرهاش ولا قدر تضحيتها ليه بالكليه بتاعتها وبعد ده كله سابها بحجه انها مش بتحبه
حنين مكنتش ندمانه انها ادتله كليتها وقالت لو كان طلب قلبها او عمرها مكانتش هتتاخر
حنين كانت بتطلب من الانسان اللى كانت مرتبطه بيه ارتباط رسمى وهو خطيبها انه يرجعلها ولو لفتره صغيره
حنين كانت مريضه بمرض السرطان وطلبت منه وقالتله :
( ارجعلى يا عمرو ، ارجعلى عشان خطرى ، اشوفك بس .......)
لكن بكل الاسف حنين ماتت ، ماتت من غير ما تشوف عمرو الانسان اللى حبته واتبرعتله بكليتها
حنين اتوفت يوم الاحد 5/3/2005 فى الفجر كانت بتسمع برنامج اسامه منير وبعدين جالها تليفون من اصدقائها قالولها : (( احنا فى خطوبه خطيبك عمرو )) ، حنين كانت فى ايامها الاخيره مستحملتش واتوفت....
اسامه منير اتكلم مع والده حنين واخواتها ، اد ايه مشاعر الاسى ، اد ايه الحزن ، اد ايه ام فقدت بنتها حاسه بحاجات غريبه جدا .......
الحاجه اللى نحب نوصلها للانسان ده هيه رساله عن لسان البنت اللى اتوفت ، حنين قبل ما تتوفى نادت على اختها وقالتها : (( قولى لاسامه يقول لعمرو على الهوا انا مش مسمحاك ... منك لله يا عمرو ))
ودول كانو اخر كلمتين قالتهم حنين قبل ما تفارق دنيتنا وتروح للى خلقنا كلنا
اد ايه يا جماعه الانسان ساعات بيظلم ، اد ايه الانسان بيأسى ، اد ايه مبنبقاش عارفين احنا بنظلم مين ورد الفعل هيكون ايه ؟؟؟
والده حنين قالت : (( انا مش مسمحاك فى كليه حنين اللى انته اخدتها منها .. مش مسمحاك فى ولا حاجه ))
اد ايه يا جماعه صعب ان الانسانن يضحى لانسان ميستاهلش
بجد مش عرفه اقول ايه اكتر من كدا ؟؟؟؟؟؟؟ ربنا يرحمك يا حنين
وحسبى الله ونعم الوكيل فيك يا عمرو
(( احببتك حتى اخر لحظه فى عمرى ولم اتخيل ابدا انك هذا المخلوق البشع ولكنى تركت هذا العالم باحزانه والامه ورحلت حيث الراحه والنعمه والبركه ..... رحلت الى خالقى ))

حسبى الله ونعم الوكيل
فعلا بجد قصه مؤلمه جدا
وفعلا الانسان لازم يختار بتأنى حبيبه او شريك حياته
ولوضحى يضحى للإنسان المخلص ليه بجد
مشكووووووره اوى على القصه يا حنين

بجد والله القصه موثره جداااااااااا يا سلمى وبجد مش عارف اقول ايه ولا ايه

بس بجد حسبى الله ونعم الوكيل فى عمرو ابن حواء وادم وشوفى بقى كام واحد بيدعو عليه دلوقتى وحق البنت هيرجع ليه وبجد داه انسان معندوش ولا قلب ولا ضمير بيقول يلأ نفسى

تسلمى بجد على القصه ديه وانا بجد والله كنت هعيط وانا بقراها يا سلمى

الله يعطيكى العافيه يا غاليه

فعلا حسبى الله ونعم الوكيل
وربنا يرحمها
بجد مشكورة ليكو على المرور والمشاركه
وبتمنى كل اللى يقرا قصه حنين يقراها الفاتحه ويدعيلها
اللهم ارحمنا جميعا