كلمات البوم محمد فؤاد (ولا نص كلمه )









شايف نفسك

شايف نفسك على ايه تاعب قلبي معاك ليه
ايه متغير في هواك ومحير قلبي معاك
يرحم أيام لما كنت بتيجي بكملة
وعاملي فيها الغلبان فاضل ايه تاني كمان
شكلك كده مستهون بيا ومش فارقة معاك الحنيه
وعايز تاني تجيب رجليا وترجع تاني تهدب فيا
أطلع من راسي وانساني يا هقلب لك عــ الوش التاني
ياهاجليك لما تشوفني وتلف تشوفلك شارع تاني
جالك قلب وليك عين ونسيت بتكلم مين
مين قالك اني ياخاف يلا اللي ماشافش اهو شاف
اللي ما بينا ولسه حضك عينك تنسي
وبقول عملت عليه هاتشوف انا هعمل ايه




وانت جنبي

وانت جنبي بحس اني ملكت كل الكون واللي فيه
اوصف ايه داللي في عيونك صعب اتكلم عليه
دانت قلبك لو ماحسش بيا يبقي حرام عليه حرام عليه
دا مافيش حاجه فيك مابتشيدنيش ليك ان كان لون خدك ولا عنيك
ولا رموشك كل ما حوشك عني بلف وبجري عليك
لو ماقابلتكش يوم مايجنيش نوم والثانيه تعدي يجي بميت يوم
ايام تنزل بحر يا قلبي وانت مابتعرفش تعوم
شايلك فى قلبي غرام يكفيك يا روحي سنين قدام
والشوق في قلبي مابيقلش لا بيكبر مع الايام
ايوة انا جوه قلبي انا ليك احساس وحب انبنا علي اساس
اعمل ايه بحبك من قلبي ومش بقولك كده وخلاص
اكيد حبك غيري كتير بس بص انا بحبك بضمير
وانت اول حب قابلته ومحتمل تبقي الاخير
مقتنع جدا بهواك جدا مافتكرش اننا هنساك
قلبي كان ضايع ولقيته ونفسي اكمل عمري معاك



ولا نص كلمه

بجد عين العقل اني بعدت عنه
عشان احنا من اولها ماننفعش بعض
لحقت نفسي ومن اللي شوفته يا قلبي منه
عرفت انه بجد مالهوش خير في حد
ولا نص كلمه حلو مني يستاهلها
ولا نص كلمه عنه يستاهل اقولها
دا حب كان بخساره علي قلبي وجنا عليا
وغلطه جوايا انا هفضل شايلها
ولا نص كلمه حلو من يستاهلها
ولا نص كلمه عنه يستاهل اقولها
دنا من كسوفي وخوفي اقول عليه دا كان حبيبي
بقول عليه كان معرفه وراحت لحالها
عملت طيب قولت اخدها من قاصرها
عشان لاقيته كان واخدني لسكه سد
حكايته من البدايه كان باينلي اخرها
لا عمري طولت معاه سما ولا حتي ارض



لو ليا حق

لو ليا حق انا حقي مابيتسابش
وانا مش قليل الحيله
ادي الايام مالينا وبكره نشوف
دانا اللي بيجي عليا مابيكسبش
هنروح انا وانت مع بعضنا فين
هنشوف مين فينا هيضحك علي مين
دنا خالف لاردلك جرحك جرحين
والبادئ كان اظئم والعين بالعين
طول عمري انا راسي رافعها لفوق
لسه ماحاش اللي بحبها لتحت
لو كان غرور النيا غرك فوق
وماتفتكرش انك بظلمي ارتحت



خايف موت

وكأن روحي بتتسحب مني والدنيا ليه وقفت خلاص بيا
ضاعت خلاص اللي عشانها بغني سابتني ليه ودموعي في عنيا
راحت وسابت قلبي خايف موت وسابتني عايش كل ثانيه بموت
تمثال ملامح فاضي من جواه مجروح وبصرخ بس من غير صوت
وكأن شئ جوايا مات فيا مابقاش فيه طعم لحاجه حوليا
انا بس عايز اعرف انا هعيش ازاي دنا كنت عايش ليها مش ليا
قلبي عليها تعب وجاب اخره من كتر ما تيلا شوق علي اخره
لقتني تايه جوه بحر عذاب يوماتي فيه بغرق ميتين مره
جوايا نار مانداتش من بره وبداري فيها لحد ما قلبي داب
راحت وسابت قلبي خايف موت وسابتني عايش كل ثانيه بموت
تمثال ملامح فاضي من جواه مجروح وبصرح بس من غير صوت
وكأن شئ جوايا مات فيا مابقاش فيه طعم لحاجه حوليا
انا مش عايز اعرف انا هعيش ازاي دنا كنت عايش ليها مش ليا



خدني الحنين

خدني الحنين بعد السنين جبني هنا
هنا للمكان اللي اتولد فيه حلمنا
وبكينا فيه وضحكنا فيه من قلبنا
هنا بلقي نفسي وروحي هنا ببقي انا
عديت علي البيت اللي كان فيه الحبايب
راجع ماليني الشوق ولهفة قلب دايب
اجمل صيبا وناس طيبة
هنا اجدع جيران هنا اصحاب زمان
هنا حب عدي وفات عليه عشره خمسة عشر سنه
تعب السنين بنساه هنا هنا حضن دافي
لو حتي حمل الدنيا كله فوق كتافي
هنا ايد بتمسح دمعني تهون عليا
فين الاقي حنيه كده واللهي مافي
رجعني ليها الشوق وبعشقها انا
احساس واخدني لفوق خلاني انا
اجمل صيبا وناس طيبة
هنا اجدع جيران هنا اصحاب زمان
هنا حب عدي وفات عليه عشره خمسة عشر سنه



مكدبش عليك

كنت معايا كنت في حضني بس ازاي فاتو الايام
انا هستنا لاجر عمري بدعي يارب تجيلي اوام
دنا ماليش غيرك ومافيش زيك ولا في الاحلام
حضني الفاضي بينده ليك ارجعلي الله يخليك
مكدبش عليك في بعادك مت من الوحده
ولا بستطعم شئ في الدنيا
مكدبش عليك
مكدبش عليك ايامي بقت كلها واحده
والليله تفوت زي التانيه ولا ليله ناسيك
مكدبش عليك
نفسي اشوفك اسمع صوتك اعمل ايه واروحلك فين
بعدك مش واخد علي نفسي بعدك مش عارف انا مين
صعب عليا اتحمل بعدك واعيش العمر حزين
دنا لو غالي عليك ترحمني انا مش عارف اعيش غير بيك




طمني عليك

من يوم بعدك وانا قلبي مكسوز وحزين
محتار مش عارف الدنيا واخداني لفين
صعبان علي قلبي فراقك طب هعمل ايه
جوايا حنين علشانك ازاي اداريه
طمني عليك قول فين الاقيك
مشتاق لعنيك وبموت من شوقي ليك
وازاي انا اعيش لو مش وياك
مش قادر انساك
ايامي بقت من غيرك مليها الويل
بتعذب كل مايجي عليا الليل
وبروح علي صورتك اخدها في حضني وانام
اهي حاجه بتصبرني علي الايام
دايما روحك حوليا وفي كل مكان
بتهون ياما عليا سنين حرمان
طمني عليك قول فين الاقيك
مشتاق لعنيك وبموت من شوقي ليك
وازاي انا اعيش لو مش وياك
مش قادر انساك



يا جت يا راحت

قوللي اي حاجه يا جت يا راحت
سبت ليه ايامنا فاتت - كل دا فــ قلبي وساكت كل دا
كل دا وانت مستنيها مني
ولا عارف حاجه عني - مخوفاك وبقولك اني مش كدا
حالف وقلبي بيحلف عليا تفضل معايا وقدام عنيا
ده لو غبت عني تروح روحي مني لو تبقي حنبي بتترد ليا
وانا هــ النهاردا وعد مني وليك عليا
ما امشيش فــ سكه الا وايديك بين ايديا
تيجي مانفكرش فــ حد غيرنا
داحنا جبنا خلاص اخرنا - يلا عيدلي كل كلمه انا قولتها
فيه حاجات جوانا وبنداريها
نفسك انت ونفسي فيها - والحاجات ديا النهاردا وقتها




مبيعرفنيش

مبيعرفنيش غير لما الدنيا بتيجي عليه
مبيعرفنيش غير لما الايام تجرح فيه
طول عمري معاه علي الدنيا يا قلبي وعلي الايام
ضحيتله كتير ولا عمري في مره ضحيت بيه
مبيعرفنيش غير لما بس يحس بخوف
يرجعلي اوام مكسوف قال يعني وش كسوف
لا داللي يعيش في الدنيا يا قلبي ياما يشوف
ناس مش بتقدر مهما عشانهم نعمل ايه
اللي استحملته كتير وفي وقت الشده انا شلته
اللي استحملته وياما علي حساب نفسي جاملته
اعمل ايه تاني معاه اكتر من اللي عملته
بأيديه انا ضعت وليه دلوقتي حليت في عنيه
كان قلبي علي نياته معاه مابيحسبهاش
ودا كان في القسوة وكان في الغدر مايتوصاش
دا الواحد قد ماعاش فيه حاجات بتعدي عليه
ومحدش كده في الدنيا بيتعلم ببلاش
دي غريبة الدنيا وغريب حال البني ادمين
ليه الغاليين بيبانوا في الاخر مش غاليين
معقول فيه ناس علشان نفسها غيرها يموت
وفيه ناس بتموت وتعيش غيرها ناس تانيين


السلام ختام

يسلموووو كتير جوجو عالكلمات
البوم محمد فؤاد كتير حلو وكلماته احلى
يعطيك العافيه
ننتظر جديدك

مشكور جوجو عالكلمات ويعطيك الف عافيه..
ننتظر جديدك

يسلمو اديك يعطيك العافية
تحياتي ديار

مشكور ياغالي كلمات كتير روعة ابدع فيها محمد فؤاد تقبل مروري


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي [POST=""]هنا[/post]. الرجاء المشاركة في موضوع الترحيب الخاص بي

مشكووور يا جوجو

يعطيكى العافيه يا قمر

تقبلى مرورى

مشكوررررررة كتيررررررر

تقبلي مروري

مشكووووووووور وننتظر المزيد

راحت وسابت قلبي خايف موت وسابتني عايش كل ثانيه بموت
تمثال ملامح فاضي من جواه مجروح وبصرخ بس من غير صوت
وكأن شئ جوايا مات فيا مابقاش فيه طعم لحاجه حوليا


طمني عليك قول فين الاقيك
مشتاق لعنيك وبموت من شوقي ليك
وازاي انا اعيش لو مش وياك
مش قادر انساك

بجد تسلم ايدك ميرسى ليكى اوووووى