الانانيه فى الحب

السلام عليكم ورحمه الله وبركاته
اولا انا هطرح الموضوع على هيئه سؤال
ممكن تقبل ان حبيبتك يبقالها صديق تكلمه وتحكيله على كل حاجه ؟
وانتى ممكن تقبلى ان خطيبك يبقاله صديقه يكلمها ويحكيلها على كل حاجه؟
ويرجع ويقلك دى صديقتى من زمان ومينفعش مكلمهاش
اكيد فى ناس كتيره فينا اانانيه فى حبها وانا وحده من الناس انانيه جدا فى حبى
هتعملى ايه لما تعترضى على الصديقه دى ويرد عليكى ويقلك انتى كدا معندكيش ثقه فيا؟
ايه هيكون رد فعلك لما تلاقى صديق عمرك مش موافق على اختيارك للحبيب اللى اخترته وفى النهايه بيخيرك بينك وبين حبيبتك؟؟؟؟؟؟ موقف صعب اوى واكيد مر على ناس منا
بس ياترا ازاى قدرت تتصرف فى الموقف ده؟؟؟؟؟؟؟
_______________________
اللى يجرح قلبى مرة مبنسهاش
اللى باعنى فى يوم هبيعه وبلاش

سلمى انا مش فاهم وجه نظرك بالظبط يا غاليه ياريت توضحى انتى عايزه تعرفى ايه بالظبط

وعلشان تبقى عارفه حاجه لو مصاحبه واحده وكنت قالتلك يا انا يا اما خطيبك تبقى مش صحبتك ولا بتخآف عليكى ولا عايزه ليكى مصلحه

وفى الزمن داه صعب تلاقه صاحب يتصاحب

تحيآتى وانا جاوبت على حسب ما فهمت

يعنى يا امير لو انته مثلا ارتبطت بانسانه متحبش انها تكلم حد تانى غيرك حتى اصحابها والا ده بالنسبالك عادى وتقول انا عندى ثقه فيها ؟؟

ثانيا يا امير بردو صحبتك بيبقى ليها نظرة عنك لانك لما بتحب انسان بتحبه بقلبك ومبتشفش عيوبه فهى بتبقى شيفاه كامل بعيوبه وصفاته ولازم طبعا تأخد براى الصديق فى اى علاقه بس طبعا رايه بس لكن القرار الاول والاخير يطلع منك انته بس
وفى الاول وفى الاخر انته اللى بتتحمل نتيجه اى حاجه بتحصل مش حد تانى
______________________
اللى يجرح قلبى مرة مبنسهاش
اللى باعنى فى يوم هبيعه وبلاش

سلمى الانانيه اكيد موجوده فى الحب وده جاى من الغيرة بتاعه المحبوب

واكيد حبيبك بيغير عليكى انك تخرجى مع قريب ليكى حتى مش صديق

علشان ده احساس مش بيقدر يتحكم فيه وغصب عنه او عنك مش هتقدرى تشوفى كده وتسكتى

لازم يكون فيه رد فعل ليكى

وانا شخصيا مش احب تكون حبيبتى تكلم شاب مهما كان هوه مين

وتحياتى ليكى وموضوع رائع

سلمى انا واحده من الناس كمان عندى انانيه هى مش بتبقى اسمها انانيه اكتر ما هى شعور بيحسه الحبيب لحبيبته وبتتحكم فيه الاراده انا كمان ارفض انه حبيبى يبقى ليه صديقه انا عاوزة ابقى حبيبته وصديقته واخته بدل ما يلجاء لى حد تانى ابقى انا كل حاجه بالنسبه معلش يا قمر طولت عليكى تسلمى الموضوع جميل تقبلى مرورى

وانا معاكو فى رايكو فعلا
ومشكورة ليكو على الرد والمرور
بس عيزة اسال سؤال
ممكن تتنازل عن حاجات كتيرة مهمه فى حياتك علشان الحب والانسان اللى بتحبه وعشان متزعلهوش والا هتعتبرها تدخل منه فى حياتك وفرض رأيه عليك ودى حاجه فى ناس بتقبلها وفى ناس لاء ياترا كل واحد رأيه ايه !!

بصى يا سلمى اها فعلا ممكن تعملى اى شئ علشان خاطر اللى بتحبيه ده


بس هل الشخص ده يستاهل انك تتنازلى عن اى حاجه او تضحى علشانه فى اى حاجه ده هو السؤال بقى ؟؟؟؟؟؟

تسلمى ياقمر

تحياتى